वज्रेश्वरी (बातमीदार) : भिवंडी तालुक्यातील राहनाल गावातून एका अल्पवयीन मुलीच्या अपहरणाचा प्रकार उघडकीस आला आहे. ही घटना शुक्रवारी रात्री उशिरा घडल्याचे सांगितले जात आहे. याप्रकरणी नारपोली पोलिसांनी अज्ञात व्यक्तीविरुद्ध अपहरणाच्या आरोपाखाली गुन्हा दाखल केला आहे. पीडितेच्या वडिलांच्या तक्रारीनुसार त्यांची अल्पवयीन मुलगी ७ नोव्हेंबरला पहाटे २.४५ वाजता घरातून बेपत्ता झाली. कुटुंबाने आजूबाजूच्या परिसरात शोध घेतला; परंतु ती सापडली नाही. अज्ञात व्यक्तीने तिला प्रलोभन दाखवून अज्ञात ठिकाणी नेल्याचा संशय आहे. प्राथमिक तपासात पोलिसांना संशय आहे की आरोपीने अल्पवयीन मुलीचे अपहरण करण्याचा गुन्हा गुप्त हेतूने केला आहे. आरोपी सध्या फरार आहे. नारपोली पोलिसांनी गुन्हा दाखल करून पुढील तपास सुरू केला आहे. मुलीचा शोध घेण्यासाठी विशेष पथक तयार केले आहे. जवळपासचे सीसीटीव्ही तपासले जात आहे.