उपवन तलावात बुडून वृद्धाचा मृत्यू
सकाळ वृत्तसेवा

ठाणे, ता. १० : उपवन येथील पालाई देवी मंदिरजवळील तलावात बुडून अनिल फकीरराव दवसे (५७) यांचा मृत्यू झाला. ही घटना रविवारी रात्री उघडकीस आली. सदर वृद्ध वर्तकनगर, भीमनगर परिसरात राहात होते. रविवारी उपवन तलावात कोणीतरी बुडत असल्याची माहिती मिळताच, वर्तकनगर पोलिस, अग्निशमन दल आणि आपत्ती व्यवस्थापन कक्षेच्या कर्मचाऱ्यांनी धाव घेतली. तसेच बुडत असलेल्या वृद्धाला तलावातून बाहेर काढून उपचारार्थ ठाणे जिल्हा शासकीय रुग्णालयात दाखल केले. त्या वेळी तेथील वैद्यकीय अधिकाऱ्यांनी त्यांना मृत घोषित केले. अशी माहिती ठामपा आपत्ती व्यवस्थापन अधिकाऱ्यांनी दिली.
............