अपघातात महिला ठार, आठ जण जखमी
उरण, ता. ११ (वार्ताहर) ः उरणहून वारीसाठी निघालेल्या वारकऱ्यांच्या दिंडीत कामशेत घाटात ट्रेलर घुसला. या भीषण अपघातात करल येथील महिलेचा जागीच मृत्यू झाला, तर आठ जखमी झाले.
उरण येथील दावजी पाटील दिंडी आळंदीच्या कार्तिकी वारीसाठी निघाली होती. कामशेत घाटातून दिंडी जात असताना घाटातील वळणावरून उतरत असलेला कंटेनर थेट दिंडीत घुसला. यात मंजुळा प्रभाकर तांडेल (वय ५३) यांचा जागीच मृत्यू झाला, तर आठ वारकरी गंभीर जखमी झाले आहेत. अपघाताची माहिती मिळताच स्थानिक नागरिक आणि पोलिस घटनास्थळी धावले. जखमींवर रुग्णालयात उपचार सुरू आहेत.
---