एसटी बसमधील १४० लिटर डिझेलची चोरी
खालापूर, ता. ११ (बातमीदार) ः रात्रीच्या वस्तीला असलेल्या एसटी बसमधील एकशे चाळीस लिटर डिझेल चोरीला गेले. ही घटना रसायनी पोलिस ठाणे हद्दीत वाशिवली गाव येथे घडली. सोमवारी पनवेल बस डेपोची एसटी बस वाशिवली येथील एसबी कंपनीचे समोर उभी करून वाहक-चालक झोपले होते. या वेळी अज्ञात चोरट्यांनी १२ हजार ८८० रुपये किमतीचे १४० लिटर डिझेल चोरून नेले. याबाबत रसायनी पोलिस ठाणे येथे अज्ञात चोरट्याविरुद्ध गुन्हा दाखल करण्यात आला आहे. पुढील तपास सहाय्यक फौजदार लालासो कोळेकर करीत आहेत.
---