काव्य सादरीकरण स्पर्धेत वनिता पवार प्रथम
कळवा (बातमीदार) ः राज्यातील सर्व सरकारी व खासगी शाळांमधील शिक्षक, अधिकारी व कर्मचारी यांच्या कलागुणांना वाव देण्यासाठी राज्य स्तरावर एकूण ४२ विषयांवर विविध स्पर्धांचे आयोजन सरकारकडून केले आहे. ठाणे पालिका क्षेत्रातील शिक्षकांच्या तालुकास्तरीय ‘स्वरचित काव्य सादरीकरण’ स्पर्धा शनिवारी (ता. १५) ठाणे मनपा शाळा क्रमांक २३, किसननगर येथे उत्साहात पार पडल्या. या स्पर्धेमध्ये ठाणे पालिका शाळा क्र. २९ येथे कार्यरत शिक्षिका वनिता पवार यांनी प्रथम क्रमांक प्राप्त असून, यातून त्यांची विभागीय स्तरासाठी निवड झाली आहे. या स्पर्धेसाठी महानगरपालिका क्षेत्रातील १२ शिक्षक सहभागी झाले होते. यावेळी ठाणे जिल्हा व प्रशिक्षण संस्थेचे (डायट) प्राचार्य संजय वाघ यांच्या हस्ते विजेत्यांना गौरविण्यात आले.