मोबाईल हॅक करून गंडा
पनवेल(वार्ताहर) : कामोठे येथे राहणाऱ्या एका प्रतिष्ठित कंपनीच्या वरिष्ठ कार्यकारी अधिकाऱ्याला १० लाख ६८ हजारांचा गंडा घालण्यात आला आहे. मोबाईल फोन हॅक करून सायबर चोरांनी बँकेच्या खात्यातून ही रक्कम परस्पर काढली आहे.
कामोठे येथे राहणारे प्रवीण नरवडे मुंबईतील एका प्रतिष्ठित कंपनीच्या वरिष्ठ कार्यकारी अधिकारी पदावर कार्यरत आहेत. ३ नोव्हेंबरला नरवडे यांच्या खात्यातून कोणतेही व्यवहार होत नसल्याचे लक्षात आल्याने त्यांनी तातडीने कामोठेतील बँकेत धाव घेतली. यावेळी खात्यातून ३० ऑक्टोबर ते २ नोव्हेंबर काळात २३ वेळा आर्थिक व्यवहार करण्यात आले होते. त्यात नरवडे यांच्या परवानगीशिवाय जवळपास १० लाख १५ हजार ४७९ रुपयांची ऑनलाईन फसवणूक झाल्याचे निर्दशनास आले होते. याप्रकरणी कामोठे पोलिस ठाण्यात आयटी ॲक्टनुसार गुन्हा दाखल आहे.