कवयित्री , चित्रकार डॉ.मीनाक्षी पाटील यांच्या ‘ललद्यदस् ललबाय’ या काव्यसंग्रहातील निवडक कवितांचे अभिवाचन ' हा कार्यक्रम मंगळवार, मंगळवारी, 18 नोव्हेंबर, रोजी सायंकाळी 5 वाजता मिनी थिएटर, तिसरा मजला, रवींद्र नाट्यमंदिर इमारत, प्रभादेवी, मुंबई येथे आयोजित करण्यात आला आहे.

‘ललद्यदस् ललबाय’ मधील कविता या केवळ वैयक्तिक भावजीवनाचा आविष्कार करीत नाहीत, तर या कवितेतून व्यष्टी आणि समष्टीचा फार मोठा व्यापक पट उलगडतो.जगण्याच्या धबडग्यात सामोऱ्या येणाऱ्या विविध मनोवृत्तींचा, त्यातील गुंतागुंतीचा किेंवा एकूणच मानवी अस्तित्वाचा ही कविता तात्त्विक दृष्टीकोनातून विचार करते. मीनाक्षी पाटील या चित्रकार असल्याने त्यांच्या कवितेत येणारी दृश्यात्मकता एक आगळंच नाट्य निर्माण करते . असा हा चिंतनात्मक प्रगल्भ नाट्याविष्कार म्हणजे हा सदर कवितांच्या अभिवाचनाचा कार्यक्रम.

सदर कार्यक्रम ज्येष्ठ रंगकर्मी वामन पंडित सादर करणार असून आजपर्यन्त मुंबई , पुणे , सावंतवाडी, रत्नागिरी आदि ठिकाणी या काव्य अभिवाचनाचे प्रयोग झालेले आहेत . वरील कार्यक्रम सर्वांकरिता खुला असून सर्वांनी सदर कार्यक्रमांचा लाभ घ्यावा, असे आवाहन कवयित्री डॉ.मीनाक्षी पाटील व ज्येष्ठ रंगकर्मी वामन पंडित यांनी केले आहे.