मुंब्रा येथे बालदिन उत्साहात
मुंब्रा : रोजरी प्री-प्रायमरी शाळेत बालदिन आनंद, उत्साह आणि रंगतदार कार्यक्रमांसह मोठ्या उत्साहात साजरा करण्यात आला. संपूर्ण शाळा फुलांनी, रंगीबेरंगी सजावटींनी आणि मुलांच्या हसऱ्या चेहऱ्यांनी उजळून निघाली होती. या वेळी पंडित जवाहरलाल नेहरू यांच्या जयंतीनिमित्त विशेष सभा आयोजित करण्यात आली. शिक्षकांनी मुलांसाठी गाणी, नृत्य, कथाकथन आणि लघुनाटिका सादर करून कार्यक्रमात मनोरंजनाची जोड दिली. विद्यार्थ्यांसाठी आर्ट अँड क्राफ्ट, खेळ, कविता सादरीकरण आणि सहभाग वाढवणाऱ्या उपक्रमांची व्यवस्था करण्यात आली होती. लहान मुलांनी उत्साहाने सहभाग घेत आपली सृजनशीलता आणि आत्मविश्वासाचे उत्तम प्रदर्शन केले. मुख्याध्यापकांनी मुलांना सुरक्षित, आनंदी आणि प्रोत्साहनात्मक वातावरण देणे हीच रोजरीची खरी ओळख आहे, असे म्हणत शिक्षकांचे विशेष कौतुक केले. कार्यक्रमाच्या शेवटी मुलांना चॉकलेट आणि छोटेखानी भेटवस्तू देण्यात आल्या.