वंचित मुलांसह युवा संस्कार संस्थेत बालदिन साजरा
कल्याण (वार्ताहर) : आपल्या समाजात अद्यापही मुलं बालमजुरी करतात, मात्र हीच मुलं आपलं उद्याचं भविष्य आहेत आणि त्यांचं बालपण सुरक्षित करणं ही सामूहिक जबाबदारी आहे. या पार्श्वभूमीवर युवा संस्कार बहुउद्देशीय संस्था वंचित व आदिवासी पाड्यांतील मुलांना शैक्षणिक मदत पुरवते. हातात काम नको, वही-पेन हवी हे तत्त्व जपत संस्थेने बालदिनाचा कार्यक्रम आयोजित केला. वंचित विद्यार्थ्यांसह साजऱ्या झालेल्या या कार्यक्रमात मुलांना शिक्षणाचे महत्त्व पटवून देण्यात आले.