कृषी-संस्कृतीची प्रतीके दुर्लक्षित
नेरूळ (बातमीदार) ः नवी मुंबईतील शहरातील कृषी-संस्कृतीची प्रतीके पालिकेकडून दुर्लक्षित आहेत. त्यामुळे पुतळ्यांच्या परिसरात वाढलेली झुडपे, गवत, कचरा, प्लॅस्टिक, धूळ-माती मोठ्या प्रमाणात साचल्याने शहराच्या नावलौकिकाला धक्का लागला आहे. नवी मुंबई पालिकेतील सांस्कृतिक पुतळ्यांच्या परिसराची दुर्दशा झाली आहे. त्यामुळे परिसराची नियमित साफसफाई करून गवत-झुडपे कापणी करावी, पुतळ्यांची स्वच्छता, दुरुस्तीचे सौंदर्यीकरण प्राधान्याने करावे, अशी मागणी आगरी कोळी युथ फाउंडेशनचे हिमांशू पाटील विभागीय अधिकाऱ्यांकडे केली आहे.