रिक्षाचालकाला लुबाडले
ठाणे ः दारू पिऊन पायी घरी चाललेले रिक्षाचालक संतोष वानखेडे (४२) यांना दुचाकीवरून आलेल्या दोघांनी घरी सोडतो, असे सांगितले. संतोष त्यांच्या गाडीवर बसताच दुचाकीवरील एका मुलाने त्यांचा मोबाईल काढण्याचा प्रयत्न केला. त्याला विरोध केला असता त्यांनी दुचाकी बाजूला लावून संतोष यांना मारहाण करत, मोबाईल आणि एक हजार ८०० रुपये घेऊन पोबारा केला. हा प्रकार सोमवारी (ता. १७) घडला. याप्रकरणी त्या दोघांविरोधात कोपरी पोलिस ठाण्यात गुन्हा दाखल झाल्याचे तक्रारीत म्हटले आहे.
..............

अल्पवयीन मुलगी बेपत्ता
ठाणे ः भिवंडी येथे आत्याकडे जाते असे सांगून गेलेली १५ वर्षीय मुलगी बेपत्ता झाली आहे. ती मंगळवारी (ता. १८) सकाळी घरातून गेल्यानंतर परत न आल्याने तिच्या पालकांनी शोध घेतला, पण ती मिळून आली नाही. तिला कोणीतरी फूस लावून पळवून नेल्याप्रकरणी अपहरणाचा गुन्हा नोंदविण्यात आल्याची माहिती श्रीनगर पोलिसांनी दिली.
.....

.......
सुरक्षा रक्षकाचा मोबाईल चोरीला
ठाणे : चार्जिंगला लावलेला साडेपाच हजारांचा मोबाईल फोन चोरीला आहे. ही घटना वागळे इस्टेट येथे घडली. याप्रकरणी सुरक्षा रक्षक गुलाबचंद जयस्वाल (६३) यांच्या तक्रारीनुसार वागळे इस्टेट पोलिस ठाण्यात गुन्हा दाखल झाला आहे.
.....