शिक्षण क्षेत्रातील योगदानाचा सन्मान
नवी मुंबई, ता. २२ ः छत्रपती शिवाजी महाराज युनिव्हर्सिटीच्या प्रा.डॉ. स्मिता गंभीरे यांना देवांग मेहता नॅशनल एज्युकेशन अवॉर्ड कॉम्प्युटर शाखेकडून उत्कृष्ट प्राध्यापक म्हणून राष्ट्रीय पुरस्कार देण्यात आला. शिक्षण क्षेत्रातील उल्लेखनीय योगदानाचा, शैक्षणिक उत्कृष्ट कार्याबद्दल मुंबईतील सोहळ्यात डॉ. हरीश मेहता यांच्या हस्ते हा पुरस्कार देण्यात आला.
डॉ. स्मिता यांच्या नाविन्यपूर्ण अध्यापनशैली, संशोधनाभिमुख दृष्टिकोन, शैक्षणिक विकास उपक्रमांमधील सक्रिय सहभाग आणि भविष्यातील नेतृत्त्व घडवण्यातील प्रभावी भूमिकेची विशेष प्रशंसा केली. गेल्या अनेक वर्षांत उद्योग आणि शैक्षणिक दुवा मजबूत करण्यासाठी, विद्यार्थ्यांच्या करिअर विकासासाठी आणि संस्थेची शैक्षणिक गुणवत्ता उंचावण्यासाठी त्यांचे महत्त्वपूर्ण योगदान आहे. या पुरस्काराचे श्रेय विद्यार्थी, माजी विद्यार्थी, उद्योग क्षेत्रातील सहकारी, शैक्षणिक सहयोगी तसेच छत्रपती शिवाजी महाराज विद्यापीठाने विविध उपक्रमांना असल्याचे डॉ. स्मिता यांनी सांगितले.