वांद्रे टर्मिनस-पालीतानादरम्यान विशेष फेऱ्या
मुंबई ः प्रवाशांची वाढती गर्दी आणि अतिरिक्त मागणी लक्षात घेऊन पश्चिम रेल्वेने वांद्रे टर्मिनस ते पालीतानादरम्यान विशेष भाड्यात सुपरफास्ट विशेष गाडी चालवण्याचा निर्णय घेतला आहे. त्यामुळे मुंबई ते पालीतानादरम्यान प्रवास करणाऱ्या प्रवाशांना मोठा दिलासा मिळणार आहे.  पश्चिम रेल्वेचे मुख्य जनसंपर्क अधिकारी विनीत अभिषेक यांनी यासंदर्भात दिलेल्या माहितीनुसार, पहिली फेरी ट्रेन क्रमांक ०९००९ रविवारी (ता. २३) सायंकाळी ७.२५ वाजता वांद्रे टर्मिनस येथून सुटून पुढील दिवशी सकाळी ९.२५ वाजता पालीताना येथे पोहोचेल. दुसरी फेरी ट्रेन क्रमांक ०९०१० सोमवारी (ता. २४) रात्री ८.३० वाजता पालीताना येथून सुटून पुढील दिवशी सकाळी १०.४५ वाजता वांद्रे टर्मिनस येथे पोहोचेल. या गाड्या दोन्ही दिशांनी बोरिवली, पालघर, वापी, वलसाड, नवसारी, सुरत, वडोदरा, आनंद, अहमदाबाद, बोटाद, धोला, सोनगड आणि सिहोर (गुजरात) या स्थानकांवर थांबतील. या गाडीचे आरक्षण सुरू झाले आहे.