शाहिरी लोककला मंचच्या अध्यक्षपदी कथालेखक काशिनाथ माटल यांची निवड
मुंबई, ता. २३ ः मुंबईत शाहिरी कलेच्या माध्यमातून लोककलेचा बाज कायम राखणाऱ्या शाहिरी लोक कलावंत मंचच्या अध्यक्षपदी ज्येष्ठ कथालेखक काशिनाथ माटल यांची एकमताने निवड झाली आहे. त्यांच्या निवडीमुळे संस्थेच्या कार्याला गती मिळेल, अशी‌ प्रतिक्रिया सर्वत्र व्यक्त केली जात आहे. मंचची वार्षिक सर्वसाधारण सभा परळमध्ये पर पडली. विषयपत्रिकेवर पदाधिकाऱ्यांची फेररचना हा विषय होता; परंतु विद्यमान अध्यक्ष शाहीर शांताराम चव्हाण यांनी तत्पूर्वी राजीनामा दिल्यामुळे पूर्वीचे पदाधिकारी मंडळ बरखास्त करण्यात आले. माटल हे राष्ट्रीय मिल मजदूर संघाचे प्रसिद्धीप्रमुखही आहेत.