मांदाड येथे स्वामी अदृश्य काडसिद्धेश्वर यांचे प्रवचन
तळा, ता. २५ (बातमीदार) ः तळा तालुक्यातील मांदाड येथे श्री स्वामी अदृश्य काडसिद्धेश्वर यांचे दर्शन व प्रवचन कार्यक्रम शनिवारी (ता. २२) भक्तिमय वातावरणात झाले. पहाटे काकडआरती, भजन व दिंडीनंतर सकाळी स्वामींचे आगमन झाले. गावाच्या प्रवेशद्वारावर भाविकांनी स्वागत केले. मंदिर सभागृहात टाळ-मृदंगाच्या गजरात भजने झाली. स्वामींच्या हृदयस्पर्शी प्रवचनाने उपस्थित भाविक भारावून गेले. दुपारी आरती, शेजारती व भजन कार्यक्रम पार पडला. शेवटी सर्व भाविकांना दर्शन व महाप्रसाद देण्यात आला. कार्यक्रमाचे यशस्वी आयोजन मांदाड मंडळाने केले.