परदेशात उच्च शिक्षण आता अधिक सोपे
विरार, ता. २४ (बातमीदार) : महाराष्ट्रातील विद्यार्थ्यांना परदेशातील नामवंत विद्यापीठांमध्ये उच्चशिक्षण घेण्याची संधी आता अधिक सुलभ झाली आहे. केरळच्या अजिनोरा प्रायव्हेट लिमिटेड कंपनीने वसईतील ‘डी सोल्यूशन्स’ (नितीन म्हात्रे) या कंपनीच्या सहकार्याने हा उपक्रम सुरू केला आहे.
अजिनोरा कंपनी जगभरातील ६०० हून अधिक विद्यापीठांशी संलग्न असून, या भागीदारीमुळे महाराष्ट्रातील विद्यार्थ्यांना विनामूल्य मार्गदर्शन मिळणार आहे. यामुळे मध्यमवर्गीय विद्यार्थ्यांना प्रवेश प्रक्रिया, शिष्यवृत्ती आणि शैक्षणिक कर्ज यांसारख्या अडचणींशिवाय परदेशात शिक्षण घेणे शक्य होईल. मागील १० वर्षांत अजिनोरा कंपनीने दक्षिण भारतातील एक लाखाहून अधिक विद्यार्थ्यांना परदेशात शिक्षणासाठी पाठवले आहे. दलालांकडून होणारी फसवणूक टाळून विद्यार्थ्यांचे परदेशात शिक्षण घेण्याचे स्वप्न पूर्ण करणे, हे या संयुक्त उपक्रमाचे उद्दिष्ट आहे.