वसई (बातमीदार) : भाजप वसई रोड मंडळ आयोजित नेत्रतपासणी शिबिरास वसई रोड शहरातील शेकडो नागरिकांनी लाभ घेत तपासणी करून घेतली. पंडित दीनदयाळ नगरातील मध्यवर्ती कार्यालय येथील शिबिर ‘सम्यक डोळ्यांच्या हॉस्पिटल’ यांच्या तज्ज्ञ डॉक्टरांच्या मार्गदर्शनाखाली पार पडले. भाजप वसई रोड मंडळाचे अध्यक्ष महेश सरवणकर यांनी शिबिराचे आयोजन केले होते. या वेळी दक्ष फाउंडेशनचे अध्यक्ष सुरेश प्रजापती, जितेंद्र वेंगुर्लेकर, सुगंधा खानविलकर, लालजी कनोजिया, बकुलभाई मेहता, माजी नगरसेवक शेखर धुरी, सुधाकर भानुशाली, मॅथ्यू कोलासो, अपर्णा पाटील, साईराज पवार, रवींद्र चव्हाण, प्रकाश जाधव यांनी भेट दिली.