आरोग्यदायक असल्याने हिवाळ्यात मागणी
वाशी, ता. २४ (बातमीदार)ः तापमानात घट झाल्याने भाजीपाल्याचे दर पुन्हा वाढले आहेत. अशातच आरोग्यदायी शेवग्याचा दर तब्बल ४०० रुपये किलोवर पोहोचला असून, आवक घटल्याने भाव वाढल्याचे व्यापारी सांगत आहेत.
हिवाळ्यात रोगप्रतिकारक शक्तीसाठी शेवग्याला मागणी असते. पण काही दिवसांपासून बाजारात अत्यल्प आवक आहे. सोमवारी एकही ट्रक बाजारात आला नाही. त्यामुळे मागणी वाढल्याने शेवग्याचा भाव आकाशाला भिडल्याचे व्यापारी सांगत आहेत. महत्त्वाचे म्हणजे १० दिवसांपूर्वी शेवगा अवघा ६० ते ११० रुपये किलोला विकला जात होता. आता तब्बल १५० टक्क्यांपेक्षा अधिक वाढ नोंदवली गेली आहे. एपीएमसीतील घाऊक बाजारात शेवगा २०० ते २४० रुपये किलो भावाने विकला जात असून, किरकोळ बाजारात ३५० ते ४०० रुपये किलोचा भाव आहे.