शिल्प चौक पुन्हा अंधारात
खारघर, ता. २६ (बातमीदार) ः शहरातील आकर्षणाचे केंद्र असलेले शिल्प चौक दिव्यांनी प्रकाशमय करण्यात आला होता; मात्र येथील पथदिवे पुन्हा बंद असल्यामुळे नागरिकांमध्ये नाराजी पसरली आहे.
खारघर शहर निर्माण केल्यावर सिडकोने सेक्टर २०मध्ये शिल्प चौक तर सेक्टर चारमध्ये उत्सव चौक उभारले आहे. चौकातील कारंजे विद्युत दिव्यांच्या रोषणाईमुळे शहराच्या सौंदर्यात भर पडली होती. या चौकातून चारही बाजूने रस्ते, दोन्ही बाजूला उद्यान, बस थांबा, बँका आणि विविध प्रकारची दुकाने असल्यामुळे नागरिकांच्या वर्दळीमुळे अनेकांसाठी आकर्षणाचे केंद्र होते; मात्र काही दिवसांपासून येथे अंधार पसरल्याने पालिका प्रशासनाच्या दुर्लक्षाविरोधात खारघरवासीयांमध्ये नाराजी पसरली आहे. याबाबतच खारघर प्रभाग अधिकारी रूपाली माने यांच्याशी संपर्क झाला नाही.