मुलुंडमध्ये अर्थ प्रबोधन व्याख्यानमाला
मुलुंड, ता. २६ (बातमीदार) ः महाराष्ट्र सेवा संघाच्या अर्थ विभागातर्फे रिव्हर्स मॉर्गेज आणि मालमत्तेचे वारसांना सुलभ हस्तांतरण या विषयावर एका व्याख्यानमालेचे आयोजन करण्यात आले आहे. वृद्धापकाळात एखाद्या व्यक्तीकडे फक्त घराची मालमत्ता असून मासिक उत्पन्न नसेल, तर रिव्हर्स मॉर्गेज या सुविधेचा लाभ घेऊन ती व्यक्ती आर्थिक अडचणींवर कशी मात करू शकते, आपली मालमत्ता वारसाला हस्तांतर करण्यासाठी कायदेशीर योग्य सुलभ पद्धत कोणती याचे प्रबोधन करण्यासाठी सुप्रसिद्ध ॲड. मनीषा अभ्यंकर यांना आमंत्रित केले आहे. मनीषा अभ्यंकर या उपस्थितांना या विषयावर मार्गदर्शन करणार आहेत. ही व्याख्यानमाला शनिवारी (ता. २९) सेवा संघाच्या सुविधा शंकर गोखले सभागृह येथे सायंकाळी ५ ते ७ या कालावधीत आयोजित केली आहे. कार्यक्रमाला प्रवेश मोफत असून सर्व नागरिकांनी उपस्थित राहावे, असे आवाहन आयोजकांनी केले आहे.