मार्गशिर्षनिमित्त फळे, भाज्यांची आवक वाढली
मांसाहार वज्र्य असल्याने खरेदीसाठी गर्दी
अलिबाग, ता. २९ वार्ताहर ः हिंदू संस्कृतीमध्ये मार्गशीर्ष महिन्यात घरोघरी महालक्ष्मीचे व्रत केले जाते. धनसंपत्ती, सुख-समृद्धी नांदावी यासाठी मार्गशीर्ष महिन्यातील दर गुरुवारी महालक्ष्मीची स्थापना करून महिलांकडून उपवास केला जातो. त्यातच हिवाळ्यात विविध पालेभाज्यांसह वांगी, घेवडा, गाजर, दुधी, विविध प्रकारची कंदमुळे उपलब्ध होत असतात. बाजारात सध्या या भाज्यांची आवक वाढली असून विविध प्रकारची फळेही बाजारात विक्रीसाठी दाखल झाली आहेत.
मार्गशीर्ष महिन्यात घरोघरी महालक्ष्मीचे व्रत केले जाते. अनेक जण मांसाहार वज्र्य करून शाकाहार घेतात. त्यामुळे या महिन्यात भाज्यांचे दर वाढलेले असतात. असे असले तरीदेखील हिवाळ्यात विविध प्रकारच्या भाज्या येत असल्याने त्‍यांची आवक वाढली आहे. यामध्ये मुळा, माळ, पोकळा, मेथी या पालेभाज्यांसह वांगी, वांगी, घेवडा, गाजर, दुधी, तोंडली, गवार अशा प्रकारच्या भाज्या मुबलक प्रमाणात उपलब्ध असतात. यासोबतच विविध कंदमुळेही बाजारात विक्रीसाठी दाखल झाली आहेत. या सर्व भाज्या रासायनिक खत न वापरता लागवड केलेल्या असल्याने स्थानिकांस पर्यटकांची या भाज्या विकत घेण्यासाठी गर्दी होत आहे.
.................
चैकट:
फळांची आवकही वाढली
बजारात सध्या अंजिर, पेर, ड्रॅगन, वेलची केळी, मोसंबी, संत्री, बोरे अशा विविध प्रकारची फळे विक्रीसाठी दाखल झाली आहेत. मार्गशिर्ष महिन्यात महिला वर्ग उपवास करत असल्याने तसेच दर गुरुवारी महालक्ष्मीची स्थापना करून पूजा केली जात असल्याने ही फळे खरेदी करण्यासाठी गर्दी होत आहे.