विद्यार्थ्यांना ब्लँकेट व सतरंजींचे वाटप
विक्रमगड, ता. १ (बातमीदार) : गुरुकृपा हार्ट फाउंडेशन अँड चॅरिटेबल ट्रस्ट, मुंबई यांच्या वतीने दादडे येथील पीएम श्री जिल्हा परिषद उच्च प्राथमिक व माध्यमिक शाळेतील विद्यार्थ्यांना ब्लँकेट आणि सतरंजींचे वाटप करण्यात आले. इयत्ता पहिली ते नववीच्या ३४८ विद्यार्थ्यांना प्रत्येकी एक ब्लँकेट व सतरंजी देण्यात आली. ट्रस्टचे अध्यक्ष डॉ. गजानन रत्नपारखी, ट्रस्टी डॉ. राम चव्हाण आणि राजेश सावंत यांच्या उपस्थितीत हा कार्यक्रम पार पडला. शाळा व्यवस्थापन समितीचे अध्यक्ष प्रवीण कंभावर, ग्रामपंचायत सदस्य लवेश कासट, मुख्याध्यापक शशी तारवी, सर्व शिक्षक वृंद तसेच दादडे गावचे ग्रामस्थ व पालक मोठ्या संख्येने उपस्थित होते.