विविध कार्यक्रमांनी जन्मदिन साजरा
मनोर, ता. ४ (बातमीदार) : दहिसरतर्फे मनोर गावातील एईएमएसएस फाउंडेशनच्या वतीने श्रीयोग भूक्षेत्रम् येथे परमपूज्य महाप्रेमावतार श्री श्री श्री परब्रह्म महाराज यांचा जन्मदिन मोठ्या उत्साहात साजरा करण्यात आला. महाराजांच्या वाढदिवसानिमित्त लोककल्याणासाठी हवन आयोजित केले होते. या वेळी उपस्थित असलेल्या एक हजारहून अधिक भक्तांना अन्नदान, केक, लाडू प्रसाद आणि चॉकलेटचे वाटप करण्यात आले.
केक कापल्यानंतर नवीन वर्षाचे कॅलेंडर प्रकाशित करून उपस्थितांना विनामूल्य वितरित करण्यात आले. या सोहळ्यादरम्यान दहिसरच्या स्वातंत्र्यसैनिक न. ल. पाटील विद्यालयाच्या विद्यार्थ्यांना ध्यान तंत्राचे शिक्षण देण्यात आले.