पालिकेचे बाजार संकुल खुले
सानपाडा सेक्टर चारमधील नागरिकांना लाभ
तुर्भे, ता. ६ (बातमीदार) ः सानपाडा सेक्टर चार येथील बहुप्रतीक्षित दैनंदिन बाजार संकुल खुले करण्यात आले आहे. या सुविधेमुळे स्वच्छ प्रसाधनगृहे, पिण्याच्या पाण्याची व्यवस्थेसह मूलभूत सुविधा उपलब्ध करून देण्यात आल्या आहेत. त्यामुळे त्याचा लाभ थेट नागरिकांना मिळणार आहे.
२०१८ मध्ये बांधलेले बाजार संकुल विविध कारणांमुळे धूळखात होते. बाजाराच्या वास्तूमध्ये खेळती हवा नसल्याचे निदर्शनास आल्याने महापालिका आयुक्त डॉ. कैलास शिंदे यांच्या आदेशानुसार वास्तूरचनेत आवश्यक बदल करण्यात आले. या प्रक्रियेमुळे तात्पुरता विलंब झाला. त्यानंतर ५८ परवानाधारक व्यावसायिकांना स्टॉलचे वाटप करण्यात आले; पण तांत्रिक मतभेदांमुळे वाटप पुन्हा थांबावे लागले. अखेर आयुक्त डॉ. कैलास शिंदे यांच्या मार्गदर्शनाखाली परिमंडळ एकचे उपायुक्त सोमनाथ पोटरे, विभागीय अधिकारी सागर मोरे यांनी हा प्रश्न मार्गी लावला.