पालघर, ता. ६ : पालघर हा उपनगरीय रेल्वे सेवा देणारा भाग असला तरी लोकल सेवांची संख्या अपुरी पडत असल्याने प्रवासीवर्गाला मोठ्या असुविधा सहन कराव्या लागतात. डहाणू-चर्चगेट १५ डब्यांच्या लोकल सेवेला तत्काळ मान्यता मिळावी, या दृष्टीने खासदार डॉ. हेमंत सवरा यांनी संसदेत मागणी केली.
वाढत्या लोकसंख्येमुळे आणि प्रवासाच्या प्रचंड दैनंदिन गर्दीमुळे विरार ते डहाणूदरम्यानच्या रेल्वे सेवांवर ताण दिवसेंदिवस वाढत आहे. या मार्गावर दररोज जवळपास अडीच लाख प्रवासी लोकल सेवांचा वापर करतात. वाढत्या प्रवासी संख्येला पुरेशी क्षमता उपलब्ध होण्यासाठी १५ डब्यांची लोकल सेवा सुरू करण्याचा प्रस्ताव पश्चिम रेल्वेने तयार केला आहे. त्याला लवकरात लवकर मंजुरी मिळावी, डहाणू ते चर्चगेट सकाळी चार वाजता लोकल सेवा सुरू करावी. वातानुकूलित लोकल सेवा डहाणूपर्यंत वाढवावी, अशा मागण्या त्यांनी संसदेत मांडल्या.
पहाटेच्या वेळी मोठ्या गर्दीने प्रवासी प्रवास करतात. विद्यार्थी, नोकरदार, फळ, फूल, दूध व्यावसायिक, तसेच मच्छीमारांना पहाटे चार वाजण्याची लोकल खूप आवश्यक आहे. त्यामुळे तीही सुरू करण्यात यावी, अशी मागणीही सवरा यांनी संसदेसमोर ठेवली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.