संविधानावर आधारित कवितांचे सादरीकरण
खारघर (बातमीदार) ः अंधश्रद्धा निर्मूलन समिती खारघर शाखेच्या वतीने नुकताच संविधान दिन साजरा करण्यात आला. या वेळी दिनेश शिंदे यांनी संविधान उद्देशिकेचे सामुदायिक वाचन केले. तर राजेंद्र पंडित, कृष्णा गवस यांनी संविधानावर आधारित कविता सादर केली. या वेळी खारघर संघर्ष समितीचे रमेश मेनन उपस्थित होते. या वेळी विश्वभूषण ज्ञान सुविधा प्रतिष्ठान, शिव आधार सामाजिक सेवा संस्था आणि राजर्षी छत्रपती शाहू महाराज फाउंडेशन या संस्थेच्या वतीने संविधानाच्या प्रतींचे घरोघरी वितरण करण्यात आले. या वेळी खारघर शाखेचे कार्याध्यक्ष जितेंद्र बनसोडे यांच्यासह अंधश्रद्धा निर्मूलन समितीचे कार्यकर्ते मोठ्या संख्येने उपस्थित होते.