सिंगापूरमध्ये भारताचा गौरवशाली झेंडा
घाटकोपर, ता. ७ (बातमीदार) : सिंगापूर येथे ५ ते ७ डिसेंबर २०२५ दरम्यान झालेल्या अकराव्या डेडो तायक्वांदो खुली आंतरराष्ट्रीय स्पर्धा २०२५ मध्ये घाटकोपर येथील जयेश तायक्वांदो क्लासच्या खेळाडूंनी अभूतपूर्व कामगिरी करीत भारताचा गौरव वाढवला आहे.
जगभरातील १७ हून अधिक देशांतील २,३०० खेळाडू सहभागी झालेल्या या स्पर्धेत जयेश तायक्वांदो क्लासच्या खेळाडूंनी एकूण दोन सुवर्ण, पाच रौप्य आणि २४ कांस्यपदके जिंकली. ही स्पर्धा क्योरोगी, पुमसे आणि व्हर्च्युअल क्योरोगी या प्रकारात पार पडली. संघप्रमुख जयेश वेल्हाळ यांचे कुशल मार्गदर्शन आणि प्रशिक्षक निशांत शिंदे, यश दलवी, क्रुपेश रांक्षेत्रे व स्वप्नील शिंदे यांची अथक मेहनत या यशात महत्त्वाची ठरली.