डॉ. बाबासाहेबांना अभिवादन
पी. एन. दोशी महाविद्यालयात कार्यक्रम
घाटकोपर, ता. ९ (बातमीदार) : घाटकोपर येथील श्रीमती पी. एन. दोशी महाविद्यालयातील मास मीडिया विभागातर्फे डॉ. बाबासाहेब आंबेडकर यांच्या महापरिनिर्वाणदिनानिमित्त अभिवादन कार्यक्रम पार पडला. या वेळी विद्यार्थिनींसाठी विचारमंचाचे कार्य करणाऱ्या ‘विचारधारा’ या व्यासपीठामार्फत आंबेडकरांचे विचार, कार्य आणि तत्त्वज्ञान मांडण्याची संधी देण्यात आली.
कार्यक्रमात तृतीय वर्षातील विद्यार्थिनी कशीश भदोरिया आणि करिष्मा यांनी डॉ. बाबासाहेब आंबेडकरांचे महान कार्य प्रभावी शब्दांत मांडले. प्राची शहानेने त्यांच्या संघर्षमय जीवनाचा आणि मूल्यनिष्ठ तत्त्वांचा ऊहापोह केला, तर श्रद्धाने त्यांच्या जीवनप्रवासाचा आलेख विद्यार्थ्यांसमोर स्पष्ट केला. महाविद्यालयाच्या प्राचार्या डॉ. आशा मेनन यांनी मास मीडिया विभागाच्या उपक्रमाचे विशेष कौतुक केले.
‘शिक्षणातूनच प्रगती’
मास मीडिया विभागाच्या प्रमुख डॉ. निमिषा कांबळी यांनी डॉ. आंबेडकरांच्या लिखाणाची प्रगल्भता, त्यांचे शैक्षणिक सामर्थ्य आणि त्यांच्या विचारसंपदेची विद्यार्थिनींना ओळख करून दिली. शिक्षणातूनच प्रगती साधता येते, हा आंबेडकरांचा संदेश विद्यार्थिनींना आत्मसात करण्याचे आवाहन त्यांनी केले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.