डब्ल्यूएचओ ग्लोबल समिट दिल्लीत

प्रभादेवी, ता. १० (बातमीदार) : केंद्रीय आयुर्वेद विज्ञान संशोधन परिषद (सीसीआरएएस), आयुष मंत्रालय, भारत सरकार यांच्या अंतर्गत कार्यरत राजा रामदेव आनंदीलाल पोदार सेंट्रल आयुर्वेद रिसर्च इन्स्टिट्यूट, मुंबई यांच्या वतीने दिल्ली येथे होणाऱ्या पारंपरिक औषधविषयक दुसऱ्या डब्ल्यूएचओ ग्लोबल समिटची माहिती देण्यात आली. हे समिट १७ ते १९ डिसेंबरदरम्यान नवी दिल्ली येथील भारत मंडपम येथे जागतिक आरोग्य संघटनेच्या सहयोगाने पार पडणार असल्याचे वरळी येथे घेण्यात आलेल्या परिषदेत सांगण्यात आले. सहसंचालक (आयु) प्रभारित डॉ. आर. गोविंद रेड्डी, संशोधन अधिकारी (आयु) डॉ. कुलदीप चौधरी आणि डॉ. अनिल आव्हाड यांनी समिटची दृष्टी, उद्दिष्टे आणि जागतिक पातळीवरील महत्त्व यावर प्रकाश टाकला.