कॅम्पस : एक छोटी अर्थव्यवस्था कार्यक्रम उत्साहात
ठाणे, ता. १६ (बातमीदार) : शेठ एन.के.टी.टी. वरिष्ठ महाविद्यालयात सोमवारी (ता. १५) अर्थशास्त्र विषयावर आधारित ‘कॅम्पस : एक छोटी अर्थव्यवस्था’ हा उपक्रम उत्साहात पार पडला. महाविद्यालयाचे प्राचार्य डॉ. दिलीप पाटील यांनी कार्यक्रमाचे उद्घाटन केले. विद्यार्थ्यांना अर्थव्यवस्थेचा प्रत्यक्ष अनुभव मिळावा, यासाठी एकूण ४४ स्टॉल्स लावले गेले, जे वस्तू, सेवा आणि खेळ यावर आधारित होते. विद्यार्थ्यांनी खर्च, प्राप्ती, नफा, कर, व्यापारी चक्र आणि बेरोजगारी यांसारख्या संकल्पनांचा अनुभव घेतला. कार्यक्रमात सर्वात जास्त नफा कमावणारा स्टॉल, अनोखा स्टॉल, उत्तम विपणन आणि उत्कृष्ट समूहकार्य यांसारखी बक्षिसे देऊन विद्यार्थ्यांचे कौतुक करण्यात आले. अर्थशास्त्राच्या चढ-उतारांवर आधारित सापशिडी हा उपक्रमाचा खास आकर्षण ठरला. उपप्राचार्या डॉ. मानोशी बागची, विभागप्रमुख प्रा. हीना चंदे, शिक्षक आणि विद्यार्थी यांनी कार्यक्रमाचा आनंद घेतला.