सरस्वती विद्यालयाची यशस्वी कामगिरी
शिक्षक क्रिकेट स्पर्धेत द्वितीय क्रमांक

मुलुंड, ता. १६ (बातमीदार) : लोकमान्य शिक्षण संस्था संचालित आणि शरद आचार्य क्रीडा केंद्राच्या आयोजनाखाली पार पडलेल्या ‘घे भरारी’ कला, क्रीडा व सांस्कृतिक महोत्सव २०२५ मध्ये सरस्वती विद्यालय, कांजूरने उल्लेखनीय कामगिरी केली. महोत्सवांतर्गत आयोजित करण्यात आलेल्या शिक्षक बॉक्स क्रिकेट स्पर्धेत सरस्वती विद्यालयाच्या शिक्षक क्रिकेट संघाने द्वितीय क्रमांक पटकावला.
या यशाबद्दल लोकमान्य शिक्षण संस्थेचे अध्यक्ष बाबा कदम यांच्या हस्ते तसेच शाळेचे मुख्याध्यापक नाना पुंदे यांच्या उपस्थितीत शिक्षक क्रिकेट संघाचा सन्मान करण्यात आला.
याप्रसंगी सहभागी शिक्षक खेळाडूंमध्ये किसन मोरे, रामदास हंजनकर, मोतीराम नागम, वैभव ठुबे, आदेश नारकर, अनिल रोकडे, आदिनाथ गर्जे आणि भाऊसाहेब घाडगे यांचा समावेश होता.