नूतन शाळेत आंतरशालेय विज्ञान प्रदर्शन उत्साहात
कल्याण, ता. १८ (वार्ताहर) : कल्याण-डोंबिवली महानगरपालिका शिक्षण विभाग समूह साधन केंद्र क्रमांक चारअंतर्गत आंतरशालेय विज्ञान प्रदर्शन नूतन ज्ञान मंदिर येथे उत्साहात पार पडले. याप्रसंगी प्रमुख पाहुणे विद्यामंदिरच्या माजी प्रभारी मुख्याध्यापिका ललिता मोरे आणि सीआर वालधुनीचे केंद्रप्रमुख सुभाष गंभीरे यांनी हजेरी लावली होती.
नूतन ज्ञानमंदिर या शाळेच्या सभागृहात विज्ञान प्रदर्शनाचे आयोजन केले होते. शिक्षण विभाग प्रशासनाधिकारी भारत बोरनारे व शिक्षणाधिकारी विजय सरकटे यांच्या मार्गदर्शनाखाली सीआरसी प्रमुख भगवान हमरे आणि नूतन ज्ञान मंदिर माध्यमिक मुख्याध्यापक रमाकांत पाटील व प्राथमिक विभागाच्या मुख्याध्यापिका ज्योत्स्ना पाटील आदी मान्यवर उपस्थित होते.
ललिता मोरे यांनी आपल्या भाषणातून विज्ञान प्रदर्शन का भरवण्यात येते हे स्पष्ट केले. विज्ञान प्रदर्शनात एकूण १६ शाळांनी सहभाग नोंदवला होता. हे प्रदर्शन निरीक्षणाचा अनेक शाळेतील शिक्षकांनी त्यांच्या विद्यार्थ्यांसह लाभ घेतला. लोखंडे व ललिता मोरे यांनी विज्ञान प्रदर्शनातील प्रयोगांचे परीक्षण केले. सई जाधव आणि पलक तळले यांच्या संरक्षक वाहतुकीचे मॉडेलला प्रथम क्रमांक मिळाला. त्यानंतर गणेश विद्यामंदिर शाळेचे रघुनाथ कोळी आणि रूपाली पाटील यांच्या मार्गदर्शनाखाली केलेल्या अनंता कालेकर आणि सोहम खंदारे यांनी पाण्याचे व्यवस्थापनास द्वितीय क्रमांक प्राप्त झाला.