पोलिसांनी अडवला मराठी शाळांसाठीचा मोर्चा
आयुक्तांनी फक्त निवेदन स्वीकारले
सकाळ वृत्तसेवा
मुंबई, ता. १८ ः मराठी शाळा वाचविण्यासाठी मराठी अभ्यास केंद्राच्या वतीने आज गुरुवारी (ता. १८) दुपारी हुतात्मा स्मारकाला अभिवादन करून निघालेल्या मोर्चाला पोलिसांनी अडविले. मोर्चा सुरू होण्यापूर्वीच पोलिसांनी आंदोलकांची धरपकड सुरू केली. मोर्चाच्या शिष्टमंडळाने पालिका आयुक्त भूषण गगराणी यांची भेट घेतली; मात्र पालिका आयुक्तांनी फक्त निवेदन स्वीकारले. निवडणुकीची आचारसंहिता असल्याने कोणतेही आश्वासन दिले नाही.
हुतात्मा स्मारक येथे संयुक्त महाराष्ट्र चळवळीतील हुतात्म्यांना अभिवादन करून मोर्चाला सुरुवात करण्यात येईल, असे घटनास्थळी पोलिसांना सांगण्यात आले. त्याला पोलिसांनी मज्जाव केला; मात्र आंदोलकांच्या ठाम निर्धारावर चार-चार जणांनी जाऊन अभिवादन करावे, असा पर्याय पोलिसांनी मान्य केला. त्यानंतर डॉ. दीपक पवार, चिन्मयी सुमीत, आनंद भंडारे, कॉ. प्रकाश रेड्डी, कॉ. अजित अभ्यंकर, राजन राजे, धनंजय शिंदे, गोवर्धन देशमुख या आंदोलकांनी हुतात्म्यांना अभिवादन केले. त्यानंतर हातात फलक घेऊन मोर्चा शांतपणे मुंबई महापालिका मुख्यालयाच्या दिशेने सुरू झाला; मात्र मोर्चाला परवानगी नाकारून पोलिसांनी मोर्चेकऱ्यांना अडविले आणि ताब्यात घेतले. त्यामुळे हुतात्मा स्मारक परिसरात काही काळ तणावाची परिस्थिती निर्माण झाली होती. काही आंदोलक पालिका मुख्यालयाजवळ पोहोचले. त्यांना आझाद मैदानात जाण्यास पोलिसांनी जबरदस्ती केली; मात्र आंदोलकांनी ठिय्या मांडला. अखेर पोलिसांनी मराठी अभ्यास केंद्राचे डॉ. दीपक पवार, आनंद भंडारे, साधना गोरे, स्वप्नील थोरात या कार्यकर्त्यांना अटक केली. त्याचबरोबर कॉ. प्रकाश रेड्डी, धनंजय शिंदे, गोवर्धन देशमुख, राज्यसभेचे माजी सदस्य भालचंद्र मुणगेकर यांसह अनेकांना ताब्यात घेतले. डॉ. दीपक पवार यांच्या नेतृत्वाखाली शिष्टमंडळाने पालिका आयुक्त गगराणी यांची भेट घेतली. ‘निवडणूक आचारसंहिता असल्याने मी कोणतेही आश्वासन देणार नाही, मी फक्त निवेदन स्वीकारतो,’ असे आयुक्तांनी स्पष्ट केले.
...
आयुक्तांच्या राजीनाम्याची मागणी
मुंबई महापालिका आयुक्त भूषण गगराणी यांच्या भूमिकेमुळे आंदोलकांनी त्यांच्या राजीनाम्याची मागणी केली. मराठी शाळा वाचविण्यासाठी वारंवार पत्रव्यवहार करूनही प्रशासन ठोस भूमिका घेत नाही, दखलही घेत नाही, याबद्दल मराठी अभ्यास केंद्राच्या वतीने नाराजी करण्यात आली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.