शिवशाही प्रकल्पाची
१४ लाखांची बचत
ई-लिलावाच्या साॅफ्टवेअरचा खर्च बँक करणार
सकाळ वृत्तसेवा
मुंबई, ता. १९ : शिवशाही प्रकल्पाकडून ३० दुकानांची ई-लिलावाद्वारे विक्री केली जाणार आहे. त्यासाठी तब्बल १४ लाख रुपये खर्चून साॅफ्टवेअर घ्यावे लागणार आहे. हे शुल्क एचडीएफसी बँक भरणार असून, त्याबदल्यात शिवशाहीकडून लिलाव प्रक्रियेसंबंधित बँक खाते एचडीएफसी बँकेत काढले जाणार आहे. त्यामुळे शिवशाहीची मोठी आर्थिक बचत होणार असल्याचे निश्चित झाले आहे.
म्हाडाकडून व्यावसायिक गाळे, भूखंडांची ई-लिलावाद्वारे विक्री केली जाते. त्यासाठी राज्य सरकारने मंजुरी दिलेल्या प्रॉबिटी या कंपनीची सेवा घेतली जाते. त्यामुळे शिवशाही पुनर्वसन प्रकल्पाने प्राॅबिटी या कंपनीचे साॅफ्टवेअर घेण्याचा निर्णय घेतला होता. त्याला १४ लाख रुपये मोजावे लागणार होते. त्याची दखल घेऊन शिवशाहीच्या अधिकाऱ्यांनी या शुल्काचा भरणा करणाऱ्या बँकेत लिलाव प्रक्रियेचे बँक खाते उघडण्याचा प्रस्ताव तयार करून इच्छुक बँकांकडून स्वारस्य निविदा मागवल्या होत्या. त्यानुसार एचडीएफसी बँकेने आपल्या सीएसआर निधीतून १४ लाखांचे शुल्क भरण्याची तयारी दर्शवली आहे, अशी माहिती सूत्रांनी दिली. त्यामुळे शिवशाहीची १४ लाख रुपयांची बचत होणार आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.