गणिताच्या सराव पुस्तकाचे प्रकाशन
कल्याण (वार्ताहर) : स्टडी व्हेव्ज संस्थेचे गणितांच्या दोन सराव पुस्तकांचे महात्मा ज्योतिबा फुले प्राथमिक विद्यालयात प्रकाशन करण्यात आले. याप्रसंगी श्री स्वामी समर्थ प्रतिष्ठानच्या वतीने विद्यार्थ्यांनाही पुस्तके मोफत देण्यात आली.
गणिताचा सराव करण्यासाठी आणि त्याचबरोबर गणित विषयाची आवड निर्माण होण्यासाठी ही पुस्तके प्रकाशित केली आहे. यामध्ये एक ते शंभरपर्यंत पाढे, वर्ग, वर्गमूळ आणि गणिती अन्य क्रिया अधिक, वजाबाकी, गुणाकार, भागाकार या जलद गतीने सोडवण्यासाठी विद्यार्थ्यांना या पुस्तकांचा वापर होणार आहे. या पुस्तिका सहावी, सातवी आणि आठवी या मुलांना मोफत देण्यात आल्या. कार्यक्रमासाठी पुस्तकाचे लेखक उमाकांत चौधरी, सर्वदा फाउंडेशनचे अध्यक्ष इशान कुलकर्णी आणि प्रतिष्ठानचे सचिव मृदुला कुलकर्णी उपस्थित होत्या.