चिंचपाडा रोडवर दोन रिक्षांचा अपघात; महिलेचा मृत्यू
कल्याण, ता. २४ (बातमीदार) : काटेमानिवली चिंचपाडा रोडवरील अयप्पा मंदिर परिसरात मंगळवारी (ता.२३) दोन रिक्षांमध्ये मोठा अपघात झाली. या अपघातात एका महिलेचा मृत्यू झाला आहे. या अपघातामुळे काही काळ परिसरात वाहतूक कोंडी निर्माण झाली होती.
मिळालेल्या माहितीनुसार, मंगळवारी रात्री दोन रिक्षांची समोरासमोर धडक झाली. यामध्ये एका रिक्षाचे पुढील चाक निखळले गेले. तर, एका महिलेचा मृत्यू झाला. दरम्यान, चिंचपाडा रोडवर दुरुस्तीचे काम पूर्ण झाल्यानंतर वाहनचालक अतिवेगाने वाहने चालवत असल्याची तक्रार स्थानिकांनी केली आहे. त्यामुळे या परिसरात गतिरोधक बसवण्यात यावेत, अशी मागणी देखील नागरिकांनी केली आहे. अपघाताची माहिती मिळताच कोळसेवाडी पोलिस तात्काळ घटनास्थळी दाखल झाले. त्यांनी वाहतूक सुरळीत करण्याचे प्रयत्न केले असून, या प्रकरणी अधिक तपास सुरू आहे.