पहिल्याच दिवशी चार हजार प्रवासी

नवी मुंबई, ता. २४ : नाताळच्या दिवशी नवी मुंबई आंतरराष्ट्रीय विमानतळावर विमानसेवा सुरू होणार आहे. पहिल्याच दिवशी तब्बल चार हजारांहून अधिक प्रवासी विमानसेवेचा लाभ घेणार आहेत. पहिल्या दिवशी इंडिगो, एअर इंडिया एक्स्प्रेस, अकासा एअर आणि स्टार एअर या कंपन्या देशांतर्गत सेवा चालवतील, ज्या या विमानतळाला भारतातील नऊ शहरांशी जोडतील. या विमानतळावरून पहिल्या दिवशी ३० विमानांचे उड्डाण होईल. विमानतळ सुरुवातीच्या टप्प्यात सकाळी ८:०० ते रात्री ८:०० या वेळेत कार्यरत राहील. फेब्रुवारी २०२६ पासून २४ तास सेवा देण्यासाठी कामकाज टप्प्याटप्प्याने वाढवण्याची योजना आहे.