एपीएमसीच्या प्रवेशद्वाराबाहेरील कचऱ्याच्या ढिगाला मोठी आग
कल्याण, ता. २७ (वार्ताहर) : कल्याण कृषी उत्पन्न बाजार समितीच्या मुख्य प्रवेशद्वाराबाहेरील कचऱ्याच्या ढिगाऱ्याला गुरुवारी (ता. २५) मोठी आग लागली होती. एपीएमसी मार्केटच्या मुख्य प्रवेशद्वाराजवळ मेट्रोचे काम सुरू असल्यामुळे बॅरिकेड्स लावण्यात आले आहेत. यामुळे येथे कचऱ्याची गाडी येत नसल्याने अनेक दिवसांपासून कचरा साचला होता. या कचऱ्याला आग लागल्याची घटना समोर आली आहे. या आगीची माहिती मिळताच अग्निशमन दलाने घटनास्थळी दाखल होत यावर नियंत्रण मिळवले. दरम्यान, या आगीत कोणतीही जीवितहानी झाली नाही.