अनंता गायकवाड आणि प्रभाकर गायकवाड स्वगृही
राज ठाकरे यांच्या उपस्थितीत भाजपातून मनसेत प्रवेश
कल्याण, ता. २८ (वार्ताहर) : भाजपमध्ये प्रवेश केलेले मनसेचे माजी नगरसेवक आणि माजी शहराध्यक्ष हे पुन्हा स्वगृही परतले असून राज ठाकरे यांच्या उपस्थितीत शिवतीर्थ येथे त्यांचा पक्षप्रवेश सोहळा पार पडला. यावेळी मनसेचे नेते राजू पाटील उपस्थित होते.
पालिकेच्या निवडणुका जवळ येऊन ठेपल्या असून कल्याण-डोंबिवलीतील राजकीय वातावरण तापू लागले आहे. यंदा प्रथमच पॅनल पद्धतीने निवडणुका होणार असल्याने राजकीय बलाबल पाहून पक्षांतर केले जात आहे. अशातच काही दिवसांपूर्वी मनसेमधून भाजपामध्ये प्रवेश केलेले अनंता गायकवाड आणि प्रभाकर गायकवाड पुन्हा स्वगृही परतले आहेत. कल्याण पूर्व विधानसभा अध्यक्ष निर्मल निगडे यांच्या माध्यमातून मनसेचे माजी नगरसेवक अनंता गायकवाड आणि माजी शहराध्यक्ष प्रभाकर गायकवाड यांनी मनसेत प्रवेश केला.