नगरसेवक प्रभाकर जाधव यांचा शिवसेना शिंदे गटात प्रवेश

सकाळ वृत्तसेवा
डोंबिवली, ता. २८ : डोंबिवली निळजे-कोळे परिसरातील मनसे पुरस्कृत अपक्ष नगरसेवक प्रभाकर जाधव यांनी रविवारी (ता. २८) शिवसेना शिंदे गटात प्रवेश केला. कल्याण ग्रामीणचे आमदार राजेश मोरे, जिल्हाप्रमुख गोपाळ लांडगे यांच्या प्रमुख उपस्थितीत हा प्रवेश सोहळा पार पडला.
निळजे-कोळे परिसरातील विकासकामे, नागरिकांच्या मूलभूत प्रश्नांसाठी शिवसेनेच्या माध्यमातून अधिक प्रभावीपणे काम करता येईल, या विश्वासातून आपण शिवसेनेत प्रवेश करीत असल्याचे जाधव यांनी सांगितले. आमदार राजेश मोरे यांनी सांगितले, की प्रभाकर जाधव यांचा जनसंपर्क आणि स्थानिक पातळीवरील कामाचा अनुभव शिवसेनेला निश्चितच बळ देणारा ठरेल. तर जिल्हाप्रमुख गोपाळ लांडगे यांनी शिवसेना हा सर्वसामान्यांचा पक्ष असून, जाधव यांच्या प्रवेशामुळे डोंबिवली पूर्व परिसरात पक्ष संघटन अधिक मजबूत होईल, असा विश्वास त्यांनी व्यक्त केला.