खारघर (बातमीदार) : खारघर सेक्टर ३४ मधील स्कायलाइन सोसायटीसमोर ठेवण्यात आलेली भलीमोठी कचरापेटी एका चोरट्याने दिवसाढवळ्या घेऊन जात असल्याचे सीसीटीव्हीमध्ये कैद झाल्यामुळे नागरिक आश्चर्य व्यक्त करीत आहेत. खारघरमध्ये काही दिवसांपूर्वी चोरट्यांनी अनेक सोसायटींमधील लहान मुलांच्या सायकल, तसेच दारासमोरून चप्पल चोरी केल्याचे प्रकार सीसीटीव्हीद्वारे उघडकीस आले होते. चोरांनी आता सोसायटीचे डस्टबिन चोरी करून घेऊन जात असल्याचे प्रकार सीसीटीव्ही कॅमेऱ्यात बंद झाल्यामुळे नागरिक आश्चर्य व्यक्त करीत आहे. चोरांना पोलिसांचा धाक नसल्यामुळे असे प्रकार घडत असल्याचे नागरिकांनी सांगितले.