धावत्या दुचाकीला आग
ठाणे, ता. १ : दिवा डम्पिंग ग्राउंडजवळ धावत्या दुचाकीने पेट घेतल्याची घटना बुधवारी (ता. ३१) दुपारी पावणेदोन वाजण्याच्या सुमारास समोर आली. या घटनेत कोणालाही दुखापत झाली नसून त्या दुचाकीचे नुकसान झाले आहे. ही दुचाकी विकास इंगळे यांची असून या घटनेची माहिती मिळताच घटनास्थळी अग्निशमन दलाच्या जवानांनी धाव घेत, त्या आगीवर नियंत्रण मिळवले. इंगळे हे ही दुचाकी सर्व्हिस सेंटरमधून घेऊन जाताना त्या दुचाकीतून धूर येत असल्याचे दिसतात. तात्काळ त्यांनी दुचाकी बाजूला उभी केली आणि दुचाकीने पेट घेतला. यावेळी एक रेस्क्यू वाहन पाचारण करण्यात आले होते, अशी माहिती आपत्ती व्यवस्थापन कक्षेने दिली.