डॉजबॉलची राज्यस्तरीय स्पर्धा चिंचणीत
पालघर, ता. ४ ः पंधरावी राज्यस्तरीय ज्युनियर डॉजबॉल अजिंक्यपद स्पर्धा ९ ते ११ जानेवारी कालावधीत चिंचणी येथील के. डी. हायस्कूल मैदानात होणार आहे. महाराष्ट्र डॉजबॉल असोसिएशन व पालघर डिस्ट्रिक्ट डॉजबॉल असोसिएशन यांच्या संयुक्त विद्यमाने ही स्पर्धा होत आहे.
या स्पर्धेच्या उद्घाटन समारंभासाठी महाराष्ट्र राज्य डॉजबॉल असोसिएशनचे महासचिव प्राचार्य हनुमंत लुंगे उपस्थित राहणार आहेत. विशेष अतिथी म्हणून कार्यक्रमाच्या उद्घाटक म्हणून अध्यक्ष महाराष्ट्र जिम्नॅस्टिक हौशी संघटना व सचिव महाराष्ट्र ऑलिंपिक संघटनेचे संजय शेटे, तसेच खासदार हेमंत सवरा उपस्थित राहणार आहेत. विशेष अतिथी म्हणून राजीव पाटील, रजनीकांत श्रॉफ उपस्थित राहणार आहेत. या स्पर्धेत २६ जिल्ह्यांतील मुलांचे, २१ जिल्ह्यातील मुलींचे संघ सहभागी होणार आहेत.