रस्ते सुरक्षा अभियानअंतर्गत मार्गदर्शन
बोर्डी (बातमीदार) ः रस्ते सुरक्षा अभियानअंतर्गत बोर्डी येथे घोलवड पोलिस ठाण्याच्या वतीने पोलिस नाईक एन. पी. मोरे यांच्यामार्फत नागरिकांना वाहतुकीच्या नियमांचे पालन करण्याचे मार्गदर्शन करण्यात आले. घोलवड पोलिस ठाणे हद्दीतील बोर्डी बस स्थानक (धर्मशाळा) येथे पोलिस नाईक मोरे वाहतूक शाखा पालघर यांनी ३७वे रस्ता सुरक्षा अभियान २०२६ अंतर्गत रिक्षाचालक व वाहनचालक यांना लायसन्स काढणे, हेल्मेटचा वापर करणे, सीट बेल्ट लावणे, दुचाकीवर तीन जणांनी बसू नये, अल्पवयीन मुलांना वाहन चालवायला देऊ नये, इन्शुरन्स काढणे, PUC काढणे, भरधाव वेगात वाहन चालवू नये, रिक्षामध्ये नियमानुसार प्रवासी वाहतूक करणे, युनिफॉर्म परिधान करणे इत्यादी सूचना देऊन वाहतुकीच्या नियमांचे काटेकोरपणे पालन करण्याच्या सूचना देण्यात आल्या. या वेळी रिक्षाचालक, ग्रामस्थ, विद्यार्थी उपस्थित होते.