मुलुंडमध्ये योग वर्गाचे आयोजन
मुलुंड, ता. १० (बातमीदार) : श्री अंबिका योग कुटीरतर्फे मुलुंड येथे रविवार (ता. ११)पासून नवीन योग वर्गाचे आयोजन करण्यात आले आहे. या वर्गांसाठी महिला, पुरुष तसेच आठ वर्षे व त्यावरील मुलांना मोफत प्रवेश दिला जाणार आहे. योग वर्ग दर रविवारी सकाळी ७ ते ९ या वेळेत घेण्यात येणार असून, सकाळी ६.३० वाजता उपस्थिती नोंदणी करण्यात येईल. हे वर्ग मुलुंड पश्चिमेतील गौशाळा म्युनिसिपल शाळा, गोशाळा रोड येथे आयोजित करण्यात आले आहेत. तरी सर्व नागरिकांनी या मोफत योग वर्गाचा लाभ घ्यावा, असे आवाहन आयोजकांनी केले आहे.