प्रलंबित मागण्यांसाठी उपोषणाचा इशारा
वाडा (बातमीदार) ः पालघर जिल्ह्यात धान खरेदी केंद्रे वाढवण्यात यावी, मुंबई-अहमदाबाद महामार्ग, बुलेट ट्रेन, वाढवण बंदर असे प्रकल्प सुरू असल्याने अनेक रस्ते नादुरुस्त झाले आहेत. तसेच वाडा-मनोर महामार्गाचे एका बाजूने डांबरीकरण करून साईडपट्टी तयार करण्याच्या मागण्यांकडे लक्ष वेधण्यासाठी काँग्रेसच्या वतीने एकदिवसीय लाक्षणिक उपोषण आंदोलन छेडण्यात येणार आहे. याबाबतचे निवदेन काँग्रेसचे पालघर जिल्हाध्यक्ष प्रफुल पाटील, प्रदेश सरचिटणीस योगेश नम, जिल्हा सरचिटणीस प्रल्हाद सावंत, जिल्हा उपाध्यक्ष एकनाथ वेखंडे, पालघर तालुकाध्यक्ष सिकंदर शेख, वाडा तालुकाध्यक्ष स्वप्नील ठाकरे, संगीता धोंडे, नवीन चौधरी, अरिफ खान यांच्या उपस्थितीत जिल्हा प्रशासनाला देण्यात आले.