डहाणूच्या विकासाचा संकल्प
नगर परिषदेच्या सर्वसाधारण सभेत निर्धार
कासा, ता. १३ (बातमीदार)ः डहाणू नगर परिषदेची पहिली सर्वसाधारण सभा नवनिर्वाचित नगराध्यक्ष राजेंद्र माच्छी यांच्या अध्यक्षतेत मंगळवारी पार पडली. या सभेत जगदीश राजपूत यांची उपनगराध्यक्षपदी निवड करण्यात आली.
राष्ट्रवादी काँग्रेस (शरदचंद्र पवार) पक्षाचे गटनेते तन्मय बारी यांनी मिहीर चंद्रकांत शाह यांच्या नामनिर्देशित सदस्यपदी नियुक्तीसाठी शिफारस केली. तसेच भारतीय जनता पक्षाचे गटनेते जगदीश राजपूत यांनी त्यांच्या गटामार्फत राजपूत बन्सराजसिंग, मेहेर धनंजय विलास यांच्या नामनिर्देशित सदस्यपदी नियुक्तीसाठी शिफारस केली. या तिन्ही शिफारशींना मान्यता देत तीन नामनिर्देशित सदस्यांची नियुक्ती झाल्याचे नगराध्यक्ष राजेंद्र माच्छी यांनी सभेत जाहीर केले. नगर परिषदेच्या नव्या कार्यकाळातील ही पहिली सभा शांततेत व उत्साहात पार पडली. या वेळी नगर परिषदेकडून होणाऱ्या विविध विकासात्मक विषयांवरही चर्चा करण्यात आली.