पालघरमध्ये सायक्लोथॉन उप्रक्रम

पालघर : ॲनिमयामुक्त भारत अभियान हा उद्देश समोर ठेवून रोटरॅक्ट क्लब ऑफ पालघर यांच्या वतीने रविवारी सायक्लोथॉन उप्रक्रम राबविला गेला. अध्यक्ष गार्गी पाटील यांच्या नेतृत्वाखाली या मोहिमेबाबत जनजागृती करून सायकलिंगच्या माध्यमातून निरोगी जीवनशैलीचा संदेश देण्यात आला.

सायक्लोथॉन उप्रक्रमाला अतिरिक्त पोलिस अधीक्षक विनायक नरळे उपस्थित होते. सामाजिक जबाबदारी, शारीरिक तंदुरुस्ती आणि समाजाच्या सर्वांगीण आरोग्याविषयी महत्त्वपूर्ण संदेश नरळे यांनी दिला. सायकल रॅलीसाठी झुडिओ ते शांतशील असा १८ किमी, झूडियो ते ते माहीम पोलिस स्टेशन १३ किमी, तर झुडिओ ते टेलिफोन एक्स्चेंज असा मार्ग निश्चित केला होता. डहाणू, विरार, सफाळे तसेच पालघर येथील १०० सायकलस्वार सायक्लोथॉन उप्रक्रमात सहभागी झाले होते. प्रकल्प अध्यक्ष रोट्रॅक्ट सानू पासवान यांनी या उपक्रमाची जबाबदारी पार पाडली. मोहिमेनंतर सायकलस्वारांना मेडल बक्षीस देण्यात आले.