मोखाड्यात भुरट्या चोऱ्यांची दहशत
दुग्ध व्यावसायिकाची एक लाखांची रोकड, सोने लंपास
मोखाडा, ता. १९ (बातमीदार)ः मोखाड्यातील मुख्य बाजारपेठेतील दुग्ध व्यावसायिक वसंत गारे यांच्या घरातील एक लाखांची रोकड, सोने रविवारी रात्री चोरट्यांनी लंपास केले आहे. याप्रकरणी खोडाळा पोलिस ठाण्यात तक्रार दाखल करण्यात आली आहे.
खोडाळा बाजारपेठेतील दुकाने तसेच घरफोडीच्या घटना तीन वर्षांपासून वारंवार घडत आहे. त्यामुळे नागरिक, व्यापारी हवालदिल आहेत. अशातच रविवारी (ता. १८) मध्यरात्रीनंतर खोडाळ्यातील दुग्ध व्यावसायिक वसंत गारे यांच्या राहत्या घरातील एक लाखाची रोकड, अर्ध्या तळ्याचे कर्णफुल चोरट्यांनी लंपास केले आहे. या घटनेचा तपास करण्यासाठी डहाणुची फोरेन्सिक टीमला पाचारण करण्यात आले होते. या ठिकाणी हाताचे ठसे आढळले आहेत. त्यानुसार अधिक तपास सुरू असल्याचे खोडाळा पोलिस ठाण्याचे पोलिस उपनिरीक्षक प्रतीक पोकळे यांनी सांगितले.
--------------------------
पोलिस हतबल
खोडाळा बाजारपेठेत भुरट्या चोऱ्या, घरफोडीच्या प्रमाणात वाढले आहे.पोलिस यंत्रणा तपासकामी हतबल झाल्याने नागरिक हवालदिल आहेत. त्यामुळे येथे रात्रीची गस्त, पोलिस कर्मचाऱ्यांची संख्या वाढवण्याची मागणी खोडाळा ग्रामस्थांनी केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.