मुलुंडमधील नवनिर्वाचित नगरसेवकांचा सत्कार
मुलुंड, ता. २० (बातमीदार) : मुलुंड शॉपकीपर वेलफेअर असोसिएशनतर्फे नुकत्याच पार पडलेल्या महापालिका निवडणुकीत मुलुंड विभागातून विजयी झालेल्या भाजपच्या सर्व सहा नगरसेवकांचा सत्कार सोहळा १७ जानेवारी रोजी आयोजित करण्यात आला होता. या वेळी मुलुंडचे आमदार मिहीर कोटेचा यांचाही यथोचित सत्कार करण्यात आला. या कार्यक्रमात मुलुंडमधील ज्येष्ठ व अभ्यासू नगरसेवक प्रभाकर शिंदे, प्रकाश गंगाधरे, नील सोमय्या, डॉ. हेतल गाला मॉरवेकर आणि अनिता नंदकुमार वैती आदी विजयी नगरसेवकांचा सन्मान करण्यात आला. सत्कार सोहळ्यास मुलुंड शॉपकीपर वेल्फेअर असोसिएशनचे अध्यक्ष अतुल कोठारी तसेच संस्थेचे पदाधिकारी उपस्थित होते.